ವಿಮಾ ಪರಿಹಾರ ಚೆಕ್ ವಿತರಣೆ

ಸಸಿಹಿತ್ಲು ಲಚ್ಚಿಲ್ ಮನೋಜ್ ಸುವರ್ಣ ಇವರಿಗೆ ಸೇರಿದ 9.9 ಹೆಚ್. ಪಿ. ಯಮಹಾ ಇಂಜಿನ್ ನಾಡ ದೋಣಿಯಲ್ಲಿ ಮನೋಜ್, ತೇಜ್‌ಪಾಲ್, ಮಧುಕರ್, ಚಂದ್ರ, ರಿತೇಶ್, ಆನಂದ, ಅನಿಲ್ ಇವರುಗಳು 2014 ರಲ್ಲಿ ಮೀನುಗಾರಿಕೆಗೆ ತೆರಳಿದ್ದರು. ಸಂಜೆ ಮೀನುಗಾರಿಕೆ ಮುಗಿಸಿ ಹಿಂತಿರುಗುವಾಗ ದೋಣಿ ನೀರಿನಲ್ಲಿ ಮುಳುಗಿದ ಘಟನೆ ಮುಲ್ಕಿ ಅಳಿವೆ ಬಾಗಿಲಿನಲ್ಲಿ ನಡೆದಿತ್ತು. ನೀರು ಪಾಲಾದ ಮಧುಕರ ಇವರ ಮೃತದೇಹ ದಿನಾಂಕ 27-8-2014 ರಂದು ಸಮುದ್ರದ ತೀರದ 20 ಕಿ.ಮೀ. ದೂರದ ಭಾಗದಲ್ಲಿ ಪತ್ತೆಯಾಗಿತ್ತು. ಮಧುಕರ ಇವರ ಪತ್ನಿ ಶ್ರೀಮತಿ ಮೋಹಿನಿ ಅವರು ಸಾಮೂಹಿಕ ಜನತಾ ವಿಮಾ ಯೋಜನೆಯಡಿಯಲ್ಲಿ ಪರಿಹಾರ ಮಂಜೂರಾತಿಗೆ ಅರ್ಜಿ ಹಾಕಿದ್ದನ್ನು ಪರಿಗಣಿಸಿ ರೂ. 1 ಲಕ್ಷ ವಿಮಾ ಪರಿಹಾರ ಮಂಜೂರು ಮಾಡಲಾಗಿದೆ. ಇದನ್ನು ದ.ಕ. ಸಂಸದರಾದ ನಳಿನ್ ಕುಮಾರ್ ಕಟೀಲ್ ಅವರು ಮೋಹಿನಿಯವರಿಗೆ ನೀಡಿದರು.