ಸಂಸದ ನಳಿನ್‌ಕುಮಾರ್ ಕಟೀಲ್ ರಶ್ಯಾಕ್ಕೆ

ಲೋಕಸಭಾ ಸ್ಪೀಕರ್ ಸುಮಿತ್ರಾ ಮಹಾಜನ್ ನೇತ್ರತ್ವದ ಸಂಸದೀಯ ನಿಯೋಗ ಜು. 10 ರಿಂದ 13 ರವರೆಗೆ ರಶ್ಯಾಕ್ಕೆ ಭೇಟಿ ನೀಡಲಿದ್ದು, ದ.ಕ.ಸಂಸದ ನಳಿನ್‌ಕುಮಾರ್ ಕಟೀಲ್ ನಿಯೋಗದ ಸದಸ್ಯರಾಗಿದ್ದಾರೆ. ಜು. 10 ರಂದು ರಾತ್ರಿ ಮಾಸ್ಕೋಗೆ ಪಯಣಿಸಲಿರುವ ನಿಯೋಗ 3 ದಿನಗಳ ಕಾಲ ರಶ್ಯಾ ಫೆಡರೇಶನ್‌ನ ವಿವಿಧ ಸಭೆಗಳಲ್ಲಿ ಭಾಗವಹಿಸಿ , ಜು. 14 ರಂದು ಭಾರತಕ್ಕೆ ಮರಳಲಿದೆ. ಸಂಸದರಾದ ಹೇಮಮಾಲಿನಿ, ಡಾ.ವೀರೇಂದ್ರ ಕುಮಾರ್, ಮಹಮ್ಮದ್ ಸಲೀಂ ಹಾಗೂ ಅಧಿಕಾರಿಗಳು ಸಂಸದೀಯ ನಿಯೋಗದ ಸದಸ್ಯರಾಗಿದ್ದಾರೆ.