ಮಂಗಳೂರು : ಯಕ್ಷಗಾನದ ತೆಂಕು-ಬಡಗು ತಿಟ್ಟುಗಳ ಸವ್ಯಸಾಚಿ ಎಂದು ಖ್ಯಾತಿವೆತ್ತ ಸಿದ್ದಕಟ್ಟೆ ವಿಶ್ವನಾಥ ಶೆಟ್ಟಿಯವರು ಇಂದು (ಜುಲೈ 1) ನಿಧನರಾಗಿದ್ದಾರೆ.
ಸುದ್ದಿ ತಿಳಿದು ತುಂಬಾ ದುಃಖವಾಯಿತು. ಅವರ ಅಂತಿಮ ದರ್ಶನ ಭಾಗ್ಯ ದೊರಕಿತು. ವರ್ತಮಾನದ ಸ್ಥಿತಿಯ ಮೇಲೆ ಬೆಳಕು ಚೆಲ್ಲುವ ಅವರ ವಾಕ್‌ಸಾಮರ್ಥ್ಯ ಕಲಾಭಿಜ್ಞತೆ ಚಿಕಿತ್ಸಕ ದೃಷ್ಠಿ ಎಲ್ಲವೂ ಅನುಪಮ. ವರ್ತಮಾನದಿಂದ ಪ್ರೇಕ್ಷಕರನ್ನು ತಮ್ಮ ಮಾತಿನ ಮೋಡಿಯಿಂದ ಪುರಾಣ ಲೋಕಕ್ಕೆ ಕೊಂಡೊಯ್ಯುವ ಅಸಾಧಾರಣ ಪ್ರತಿಭಾಶಾಲಿ ಅವರಾಗಿದ್ದರು. ಅವರ ಸ್ವರ್ಗಸ್ಥರಾದುದ್ದು ಯಕ್ಷಗಾನ ಕಲಾ ಲೋಕಕ್ಕೆ ಅಪಾರ ನಷ್ಟವಾಗಿದೆ. ಪರಮಾತ್ಮನು ಅವರ ದಿವ್ಯ ಆತ್ಮಕ್ಕೆ ಶಾಂತಿ ನೀಡಲಿ, ಕುಟುಂಬ ವರ್ಗದವರಿಗೆ ದುಃಖವನ್ನು ಸಹಿಸುವ ಶಕ್ತಿ ನೀಡಲಿ ಎಂದು ಪ್ರಾರ್ಥಿಸುತ್ತೇನೆ ಎಂದು ನಳಿನ್ ಕುಮಾರ್ ಕಟೀಲ್ ಹೇಳಿದ್ದಾರೆ.
