ಬೆಳಗಾವಿಯಲ್ಲಿ ಗಾಂಧಿ ಸಂಕಲ್ಪ ಯಾತ್ರೆಗೆ ಚಾಲನೆ

ಮಹಾತ್ಮ ಗಾಂಧೀಜಿಯವರ 150ನೇ ಜನ್ಮ ವರ್ಷಾಚರಣೆಯ ಹಿನ್ನೆಲೆಯಲ್ಲಿ ಬಿಜೆಪಿಯಿಂದ ದೇಶದಾದ್ಯಂತ ಪ್ರಾರಂಭವಾದ “ಗಾಂಧಿ ಸಂಕಲ್ಪ ಯಾತ್ರೆ”ಗೆ ಇಂದು ಬೆಳಗಾವಿಯಲ್ಲಿ ಬಿಜೆಪಿ ರಾಜ್ಯಾಧ್ಯಕ್ಷರಾದ ಶ್ರೀ ನಳಿನ್ ಕುಮಾರ್ ಕಟೀಲ್ ಹಾಗೂ ಕೇಂದ್ರ ಸಚಿವ ಶ್ರೀ ಸುರೇಶ್ ಅಂಗಡಿ ಅವರು ಚಾಲನೆ ನೀಡಿದರು. ನಂತರ ಕಾರ್ಯಕರ್ತರೊಂದಿಗೆ ಪಾದಯಾತ್ರೆಯ ಮೂಲಕ ಬೆಳಗಾವಿ ನಗರ ಪ್ರದೇಶದ ಜನರಿಗೆ “ಗಾಂಧಿ ಸಂಕಲ್ಪ ಯಾತ್ರೆ”ಯ ಧ್ಯೇಯೋದ್ದೇಶಗಳನ್ನು ಮತ್ತು ಗಾಂಧೀಜಿ ಆದರ್ಶಗಳನ್ನು ತಿಳಿಸಲಾಯಿತು. ಬೆಳಗಾವಿ ವಿಭಾಗ ಪ್ರಭಾರಿ ಶ್ರೀ ಈರಣ್ಣ ಕಡಾಡಿ ಮತ್ತಿತರರು ಉಪಸ್ಥಿತರಿದ್ದರು.